विपदा काल काम जे आवै...

विपदा काल काम जे आवै।साँचा मीत उहइ कहलावै।।

साँच मीत बस उहवै भाई।गूढ़ रहस जे रहइ छिपाई।।

करै प्रचार मीत जस-कीर्ती।दिग-दिगन्त जहँ तक रह धरती।।

तजै न साथ-संग केहु भाँती।जरै-बुते जस दीपक-बाती।।

नहिं कोउ राग-द्वेष दोउ मीता।तजहिं न सँग बरु जग विपरीता।।

लगै चोट इक रोवै दूजा।रँग बदलै जस लखि खरबूजा।।

जीवहि सँग माया लिपटानी।जानउ इहवै मीत-कहानी।।

जाको मिलै मीत जग साँचा।तासु भागि उत्तम बिधि राँचा।।

करै मीत मीत सेवकाई।सेवा-भावहि होय भलाई।।

दोहा-कृष्न-सुदामा मित्रता,जानै जग-संसार।

चिउड़ा लइ मुट्ठी भरै,सम्पति दीन्ह अपार।।

                                               गीता-सार,नीति-वचन